ThatQuiz

Vefsíðan ThatQuiz gefur marga möguleika bæði fyrir kennara og nemendur.

Kennarinn getur búið til eigin aðgang þar sem hann getur sett inn ýmsar æfingar (nú er ég einkum að tala um stærðfræðina) og síðan vinna nemendur verkefnin. Hver nemandi á sitt svæði og þeir geta annars vegar farið inn á með qr-koda eða fengið kóda hjá kennaranum og unnið verkefnið. Þá geta foreldrar fengið koda fyrir sitt barn og fylgst með framvindu síns barns. Einnig er hægt að hlaða niður ,,appi" og vinna í því.

Kennarinn hefur marga möguleika til að búa til verkefnin og getur stjórnað bæði þyngd verkefna og lengd og tíma. Hann getur einnig stjórnað hvaða nemendur taka hvaða verkefni. Kennarinn getur fengið gott yfirlit yfir framvindu nemandans. Á youtube.com eru ágætar leiðbeiningar fyrir kennara

Nemandinn getur einnig farið inn á síðuna án þess að skrá sig inn og æft sig í ákveðnum þáttum en þá vistast ekki árangur nemandans.

Ég er aðeins búin að fikta í þessari vefsíðu en er ekki farin að nota það inni í bekk og mér finnst þetta spennandi. Ég frétti af þessari síðu í ,,spjalli" á Twitter en þar er að byggjast upp samskiptanet kennara þar sem þeir deila hugmyndum sínum og koma með fyrirspurnir. Einnig benda þeir oft á hluti sem þeir hafa prófað og gefist vel.

Einnig er möguleiki á að vinna með landafræði, tungumál og líffræði á þessari vefsíðu en ég hef ekki skoðað þá möguleika.

Ummæli

Skrifa ummæli

Vinsæll póstur

Ferð starfsfólks Bláskógaskóla Reykholti til Ítalíu, 30.04.2019 – 05.05. 2019

Mynd
Ferð starfsfólks  Bláskógaskóla Reykholti til Ítalíu,  30.04.2019 – 05.05. 2019 Starfsfólk Bláskógaskóla Reykholti, ásamt nokrum mökum starfsmanna fór í námsferð til Bolzano á Ítalíu vorið 2019. Eftir nokkurn undirbúning var lagt af stað frá Reykholti 30. apríl til Keflavíkur þar sem var gist á Base hotel. Flug var snemma morguns og tók flugið til Munchen um 4 klst. Þegar þangað kom tók á móti okkur Jóna Fanney   Svavarsdóttir frá Eldhúsferðum . Frá Munchen var keyrt beint til Bolzano í Suður – Týrol (rúmir 4 tímar) og farið á hótel Feicher sem er í miðbæ Bolzano. Afar huggulegt hótel og gott að vera þar. Þá fórum við út að borða á þjóðlegum Suður- Týrólskum stað. Þessi ferðadagur var ansi langur í klukkustundum talið (17 klst) en afar góð stemmning í hópnum. 1.maí - miðvikudagur Þessi dagur var ,,frídagur“, þ.e.a.s – ekki vinnudagur sem slíkur en nánast allir ákváðu að fara í skemmtilega fjallaferð með kláfi frá Bolzano til Sop...
Lesa meira

Prjónakennsla

Mynd
Í handavinnu/textíl er ég að kenna nemendum að prjóna.  Þegar margir nemendur eru í hóp og allir að byrja að prjóna á sama tíma er erfitt að liðsinna öllum í einu. Eftir að skólinn varð mjög vel spjaldtölvuvæddur geta nemendur notað spjaltölvur í nánast öllum tímum.  Ég er búin að vera að prófa mig áfram með að nota myndbönd á youtube um það hvernig á að fitja upp á prjón og síðan prjóna slétt og brugðið.   Þetta hefur gefist nokkuð vel einkum ef nemendur stilla á að sýna myndbandið mjög hægt.  Þau sem eru áhugasömust og hafa mestu einbeitinguna hafa náð að læra að prjóna á þennan hátt en hin þurfa einnig aðstoð og útskýringar kennarans. 
Lesa meira

Utís 2019 - Upping your classroom - Jesse Lubinsky

Mynd
Á vinnustofu no 2 á Utís 2019 fór ég og hlusaði á Jesse Lubinsky fara í gegnum hvernig er hægt að nota ýmiskonar viðbætur við google classrom-ið sem við í Bláskógaskóla erum að innleiða. Hann fór með okkur í gegnum ýmsar viðbætur sem auðvelda vinnuna í skólanum en gefa einnig betri innsýn í vinnu nemenda.   Jesse hefur útbúið heimasíðuna  sína en einnig síðuna  Session Resources  þar sem hann hefur sett inn ógrynni af efni er varaðar verkfæri Google í skólastarfi. Þetta er síða sem maður á örugglega eftir að skoða betur og ég veit að þar er hægt að nýta sér margt í vinnunni hjá manni.  Ég er rétt að byrja að skoða hvað er þarna inni. En Jesse gefur kost á að maður fari í gegnum fyrirlesturinn Upping Your CLassroom Game sem hann flutti á Utís á netinu.  Fyrst ræddi hann um forritið Flipgrid  en það býður upp á alls konar myndbandskynningar og eru það lokuðsvæði sem er unnið á og hægt er að stilla forritið þannig að það virki bara á neti...
Lesa meira