Gleðileg jól


Kæru vinir og vandamenn og allir hinir sem kíkja á bloggið.

Nú kemur pínulítið persónulegt í tilefni af jólabréfinu sem vinum og ættingjum var sent. En hingað til hefur þessi bloggsíða verið tileinkuð náminu mínu og því sem ég hef verið að gera þar og leiðbeiningar til áhugasamra nemenda minna í 10. bekk - en þau eru frábærust af öllum - þeim sem vilja fylgjast með tækninni og því sem ég er að læra í Kennó en þau fá ekki tækifæri til þess í skólanum.

En annars höfum við fjölskyldan haft það gott eftir að fríið byrjaði, einkunnir frá Friðriki komnar í hús og hann skoraði hátt, 10 í bókfærslu og 9 í exelkúrs, bara góður karlinn. Svo fékk Freydís Halla tónlistareinkunnirnar sínar og mikla hvatningu frá fiðlukennaranum, Guðmundi Pálssyni, skoraði hátt, rúmlega 9 og var afar kát. Freyja bíður enn eftir sínum tónlistareinkunum og er frekar súr út í póstinn fyrir að skila ekki sínu einkunnabréfi fyrir jól.

Við höfum verið í jólaboðum og slíku, vorum einmitt að koma úr einu slíku. En í boðinu þurftu allir að horfa á Brynjólfsmessu í sjónvarpinu en Freydís Halla söng einmitt í henni. Freydís Halla var einnig að syngja á aðfangadag í barnatímanum og Freyja Hrönn söng í Stundinni okkar fyrir hálfum mánuði. Hér er mikið líf í söngnum og er Hilmar Örn organisti ein aðaldriffjöðurin í því starfi og gerir það vel.

Í dag eru dæturnar búnar að fara í Skálholtskirkju með ömmu og afa en við gömlu fórum í góðan göngutúr á meðan, drukkum svo kaffi hér heima eftir messuna. Góður dagur að baki.

Hlakka síðan til að heyra frá ykkur kæru vinir. Bestu þakkir fyrir liðin ár og megi ykkur farnast vel í ókominni framtíð.

Ummæli

Nafnlaus sagði…
Sæl Agla.
Bestu jólakveðjur frá okkur á Brekkubrautinni. Gaman að heyra að þið hafið það gott. Til lukku með liðið þitt, frábært að heyra hvað gengur vel! Skemmtilegt að lesa hvað þú ert að fást við í náminu og fréttir af fjölskyldunni er alltaf gaman að fá. Vona að þið eigið áfram góða daga um hátíðarnar og vonandi sjáumst við fljótlega á nýja árinu.
Kærar kveðjur, Bryndís
12:16 e.h.
Skrifa ummæli

Vinsæll póstur

Ferð starfsfólks Bláskógaskóla Reykholti til Ítalíu, 30.04.2019 – 05.05. 2019

Mynd
Ferð starfsfólks  Bláskógaskóla Reykholti til Ítalíu,  30.04.2019 – 05.05. 2019 Starfsfólk Bláskógaskóla Reykholti, ásamt nokrum mökum starfsmanna fór í námsferð til Bolzano á Ítalíu vorið 2019. Eftir nokkurn undirbúning var lagt af stað frá Reykholti 30. apríl til Keflavíkur þar sem var gist á Base hotel. Flug var snemma morguns og tók flugið til Munchen um 4 klst. Þegar þangað kom tók á móti okkur Jóna Fanney   Svavarsdóttir frá Eldhúsferðum . Frá Munchen var keyrt beint til Bolzano í Suður – Týrol (rúmir 4 tímar) og farið á hótel Feicher sem er í miðbæ Bolzano. Afar huggulegt hótel og gott að vera þar. Þá fórum við út að borða á þjóðlegum Suður- Týrólskum stað. Þessi ferðadagur var ansi langur í klukkustundum talið (17 klst) en afar góð stemmning í hópnum. 1.maí - miðvikudagur Þessi dagur var ,,frídagur“, þ.e.a.s – ekki vinnudagur sem slíkur en nánast allir ákváðu að fara í skemmtilega fjallaferð með kláfi frá Bolzano til Sop...
Lesa meira

Prjónakennsla

Mynd
Í handavinnu/textíl er ég að kenna nemendum að prjóna.  Þegar margir nemendur eru í hóp og allir að byrja að prjóna á sama tíma er erfitt að liðsinna öllum í einu. Eftir að skólinn varð mjög vel spjaldtölvuvæddur geta nemendur notað spjaltölvur í nánast öllum tímum.  Ég er búin að vera að prófa mig áfram með að nota myndbönd á youtube um það hvernig á að fitja upp á prjón og síðan prjóna slétt og brugðið.   Þetta hefur gefist nokkuð vel einkum ef nemendur stilla á að sýna myndbandið mjög hægt.  Þau sem eru áhugasömust og hafa mestu einbeitinguna hafa náð að læra að prjóna á þennan hátt en hin þurfa einnig aðstoð og útskýringar kennarans. 
Lesa meira

Utís 2019 - Upping your classroom - Jesse Lubinsky

Mynd
Á vinnustofu no 2 á Utís 2019 fór ég og hlusaði á Jesse Lubinsky fara í gegnum hvernig er hægt að nota ýmiskonar viðbætur við google classrom-ið sem við í Bláskógaskóla erum að innleiða. Hann fór með okkur í gegnum ýmsar viðbætur sem auðvelda vinnuna í skólanum en gefa einnig betri innsýn í vinnu nemenda.   Jesse hefur útbúið heimasíðuna  sína en einnig síðuna  Session Resources  þar sem hann hefur sett inn ógrynni af efni er varaðar verkfæri Google í skólastarfi. Þetta er síða sem maður á örugglega eftir að skoða betur og ég veit að þar er hægt að nýta sér margt í vinnunni hjá manni.  Ég er rétt að byrja að skoða hvað er þarna inni. En Jesse gefur kost á að maður fari í gegnum fyrirlesturinn Upping Your CLassroom Game sem hann flutti á Utís á netinu.  Fyrst ræddi hann um forritið Flipgrid  en það býður upp á alls konar myndbandskynningar og eru það lokuðsvæði sem er unnið á og hægt er að stilla forritið þannig að það virki bara á neti...
Lesa meira