Trúverðugleiki í eigindlegum rannsóknum.

Fyrsta skriflega verkefnið mitt í vetur var að skrifa um trúverðugleika í eiginlegum rannsóknum í kúrsinum, Aðferðafærði og menntarannsóknir 61.00.01-H07. Þetta verkefni var unnið undlir leiðsögn Guðrúnar Kristinsdóttur prófersors í KHÍ.
Trúverðugleiki í eigindlegum rannsóknum.

Trúverðugleiki (e.trustworthiness) er eitt einkenni eigindlegra rannsókna. Hugtakið er afar mikilvægt vegna þess að þeir sem vilja nýta rannsóknina þurfa að vera vissir um að hún hafi verið gerð skv. almennum siðareglum í vísindastarfi. ,,Þeir þurfa að geta metið trúverðugleika og notagildi niðurstaðanna. Því er trúverðugleiki er almennt staðfestur (sannaður) með því að nota ýmiss gagnasöfn og/eða aðferð við úrvinnslu gagna”. (Leydens og fl., 2004) en kröfurnar verða líka að vera fyrir hendi, því að hugtakið trúverðugleiki í eigindlegum rannsóknum má skilgreina sem þær kröfur sem gerðar eru til rannsakenda við vinnu þeirra, þannig að mark verði takandi á niðurstöðunum. Þessar kröfur þurfa að auðvelda utanaðkomandi aðilum að rekja eða skýra þá þætti sem leitt hafa til þeirrar túlkunar sem sett er fram að rannsókn lokinni. ,,Til að auka trúverðugleika þurfa rannsakendur að geta sýnt fram á að við rannsóknina hafi verið notaðar aðferðir sem eru endurtakalegar og samræmdar.(Ary og fl., 2006)” ,,Árið 1997 benti Morse á að kenningar eigindlegra rannsókna eru trúverðugar þegar ítarlegar og traustar niðurstöður eru birtar á skiljanlega máta út frá reynslu þátttakenda á sviði rannsóknarinnar”. (Handbók, 2003, bls. 257) Þetta má segja að sé hin fræðilega merking um trúverðugleika en íslenska orðabókin segir um það að vera trúverðugur: ,,Trúverðugur l, traustur, áreiðanlegur, sem trúa má á, sannsögull, sennilegur.” (Árni Böðvarsson, 1979, bls.734) Hugtakið er því ekki notað á mjög ólíkan máta í fræðilegri merkingu og almennri merkingu, í fræðimennskunni þarf rannsakandinn að vera viss um að frumgögnin og úrvinnslan séu frambærileg/trúverðug en í almennri merkinu þarf tæplega að sanna að eitthvað sé trúverðugt í almennri samræðu, heldur tekur maður einhvern trúanlegan, trúir því sem viðkomandi segir. Lesandi rannsóknar þarf líka að trúa því sem stendur í rannsókninni. En til þess að geta nýtt sér hugtakið í rannsóknum þarf rannsakandinn að vera viss um að gagnagreiningin og niðurstöðurnar séu trúverðugar, að þemu og mynstur í gögnunum séu nákvæm, líkleg og sannfærandi. Rannsakandinn þarf einnig að gera grein fyrir aðferðum sem hann notar og greina frá takmörkunum er einhverjar eru. Í rannsóknum á kennslu og uppeldi er nauðsynlegt að vera með góðan undirbúning, nákvæmni í lýsingum á framvindu og tilhögum rannsóknar. Passa þarf að allt rannsóknarferlið beri virðingu fyrir þeim sem rannsóknin beinist að. Ef þetta er ekki gert af umhyggju, natni og vandvirkni þá er betra heima setið en af stað farið. Ef rannsaka á nemendur, börn, þarf að hafa nokkur atriði í huga. Barnið getur ekki yfirfært hugtök og aðgerðir á sama hátt og fullorðnir, því þurfa þau nákvæmar útskýringar. Huga þarf að því hver tengsl rannsakanda og barnsins er, því ef traust hefur verið byggt upp milli þessara aðila eykst trúverðugleiki rannsóknarinnar.

Agla Snorradóttir
Verkefni1 (GK)
Framhaldsdeild H-2007

Heimildaskrá:
Árni Böðvarsson. (ritstýrði) (1979). Íslenzk orðabók handa skólum og almenningi.
(6.prentun). Reykjavík:1979. Bókaútgáfa Menningarsjóðs.
Ary, D., Jacobs, L.C., Razavih, A. og Sorensen, C. (2006). Introduction to research in
education. (7. útg.). Australia: Thomson Wadsworth.
Leydens, Jon A.,Moskal, Barbara M., Pavelich, Michael. (2004). Qualitative methods used in the assessment of engineering education. Journal of Engineering Education, Washington: Jan 2004. Vol. 93(1), pg. 65. Sótt 02.09.2007 af
http://proquest.umi.com/
Sigríður Halldórsdóttir (2003) Vancouver-skólinn í fyrirbærafræði. bls.257. Kristján
Kristjánsson og Sigríður Halldórsdóttir (Ritstj.) 2003. Handbók í aðferðafræði og rannsóknum í heilbrigðisvísindum. (1.útg.) Akureyri: Háskólinn á Akureyri.

Ummæli

Skrifa ummæli

Vinsæll póstur

Ferð starfsfólks Bláskógaskóla Reykholti til Ítalíu, 30.04.2019 – 05.05. 2019

Mynd
Ferð starfsfólks  Bláskógaskóla Reykholti til Ítalíu,  30.04.2019 – 05.05. 2019 Starfsfólk Bláskógaskóla Reykholti, ásamt nokrum mökum starfsmanna fór í námsferð til Bolzano á Ítalíu vorið 2019. Eftir nokkurn undirbúning var lagt af stað frá Reykholti 30. apríl til Keflavíkur þar sem var gist á Base hotel. Flug var snemma morguns og tók flugið til Munchen um 4 klst. Þegar þangað kom tók á móti okkur Jóna Fanney   Svavarsdóttir frá Eldhúsferðum . Frá Munchen var keyrt beint til Bolzano í Suður – Týrol (rúmir 4 tímar) og farið á hótel Feicher sem er í miðbæ Bolzano. Afar huggulegt hótel og gott að vera þar. Þá fórum við út að borða á þjóðlegum Suður- Týrólskum stað. Þessi ferðadagur var ansi langur í klukkustundum talið (17 klst) en afar góð stemmning í hópnum. 1.maí - miðvikudagur Þessi dagur var ,,frídagur“, þ.e.a.s – ekki vinnudagur sem slíkur en nánast allir ákváðu að fara í skemmtilega fjallaferð með kláfi frá Bolzano til Sop...
Lesa meira

Prjónakennsla

Mynd
Í handavinnu/textíl er ég að kenna nemendum að prjóna.  Þegar margir nemendur eru í hóp og allir að byrja að prjóna á sama tíma er erfitt að liðsinna öllum í einu. Eftir að skólinn varð mjög vel spjaldtölvuvæddur geta nemendur notað spjaltölvur í nánast öllum tímum.  Ég er búin að vera að prófa mig áfram með að nota myndbönd á youtube um það hvernig á að fitja upp á prjón og síðan prjóna slétt og brugðið.   Þetta hefur gefist nokkuð vel einkum ef nemendur stilla á að sýna myndbandið mjög hægt.  Þau sem eru áhugasömust og hafa mestu einbeitinguna hafa náð að læra að prjóna á þennan hátt en hin þurfa einnig aðstoð og útskýringar kennarans. 
Lesa meira

Utís 2019 - Upping your classroom - Jesse Lubinsky

Mynd
Á vinnustofu no 2 á Utís 2019 fór ég og hlusaði á Jesse Lubinsky fara í gegnum hvernig er hægt að nota ýmiskonar viðbætur við google classrom-ið sem við í Bláskógaskóla erum að innleiða. Hann fór með okkur í gegnum ýmsar viðbætur sem auðvelda vinnuna í skólanum en gefa einnig betri innsýn í vinnu nemenda.   Jesse hefur útbúið heimasíðuna  sína en einnig síðuna  Session Resources  þar sem hann hefur sett inn ógrynni af efni er varaðar verkfæri Google í skólastarfi. Þetta er síða sem maður á örugglega eftir að skoða betur og ég veit að þar er hægt að nýta sér margt í vinnunni hjá manni.  Ég er rétt að byrja að skoða hvað er þarna inni. En Jesse gefur kost á að maður fari í gegnum fyrirlesturinn Upping Your CLassroom Game sem hann flutti á Utís á netinu.  Fyrst ræddi hann um forritið Flipgrid  en það býður upp á alls konar myndbandskynningar og eru það lokuðsvæði sem er unnið á og hægt er að stilla forritið þannig að það virki bara á neti...
Lesa meira