Réttardagurinn og veðrið



Í dag er hátíðisdagur hér í Tungunum, fé í réttum eftir fjárlausar réttir í tvö ár. Margir fara ríðandi í réttirnar og kjötsúpa á hverjum bæ í sveitinni. Ball um kvöldið og fjör fram á nótt. Veðrið misjafnt, stundum gott og stundum vont og allt þar á milli. En í dag er það með versta móti a.m.k s.l. ár, fyrst rigning, svo slydda og þá snjókoma. Þessu fylgdi mikið rok.
Réttirnar sjálfar tóku fljótt af, um 600 fullorðið, byrjað snemma kl. 9.00, þannig að það var búið að draga í dilkana tæplega tíu, þegar að fólkið kom á staðinn. Fólk stoppaði stutt við, heyrði marga vera svekkta yfir því að allt væri búið og fór, ekkert um að vera. Allt búið. Líklega gleðjast þeir sveitungar mínir sem vilja enga í réttirnar nema þá sem eiga fé og þurfa að sinna því. Aðrir eru bara til trafala. En sem betur fer hlusta fáir á svona raddir og geðvonska þeirra og pirringur segir meira um þetta fólk en hina sem segja og vita að maður er manns gaman og njóta þess að vera saman og hafa gaman hvernig sem vindar blása. Halda í hefðir þó féið sé fátt.
Mín skoðun hefur alltaf verið sú að það á að gera meira úr þessum degi og blása til sóknar, taka vel á móti þeim sem vilja koma í sveitina og vera með. Gleðjast með frændum og vinum. Samstaða þeirra sem eru skipaðir í nefndir sveitarfélagsins og vilja ráða, hafa ekki náð saman um þetta en ég veit um fólk sem er sömu skoðunnar og ég í þessum efnum. Að lokum þakka ég mínum trygga fjallmanni fyrir að vilja vera okkar maður, takk Binni. Hann er á myndinni hér að ofan og lítur yfir féð í dag.


Ummæli

Skrifa ummæli

Vinsæll póstur

Ferð starfsfólks Bláskógaskóla Reykholti til Ítalíu, 30.04.2019 – 05.05. 2019

Mynd
Ferð starfsfólks  Bláskógaskóla Reykholti til Ítalíu,  30.04.2019 – 05.05. 2019 Starfsfólk Bláskógaskóla Reykholti, ásamt nokrum mökum starfsmanna fór í námsferð til Bolzano á Ítalíu vorið 2019. Eftir nokkurn undirbúning var lagt af stað frá Reykholti 30. apríl til Keflavíkur þar sem var gist á Base hotel. Flug var snemma morguns og tók flugið til Munchen um 4 klst. Þegar þangað kom tók á móti okkur Jóna Fanney   Svavarsdóttir frá Eldhúsferðum . Frá Munchen var keyrt beint til Bolzano í Suður – Týrol (rúmir 4 tímar) og farið á hótel Feicher sem er í miðbæ Bolzano. Afar huggulegt hótel og gott að vera þar. Þá fórum við út að borða á þjóðlegum Suður- Týrólskum stað. Þessi ferðadagur var ansi langur í klukkustundum talið (17 klst) en afar góð stemmning í hópnum. 1.maí - miðvikudagur Þessi dagur var ,,frídagur“, þ.e.a.s – ekki vinnudagur sem slíkur en nánast allir ákváðu að fara í skemmtilega fjallaferð með kláfi frá Bolzano til Sop...
Lesa meira

Prjónakennsla

Mynd
Í handavinnu/textíl er ég að kenna nemendum að prjóna.  Þegar margir nemendur eru í hóp og allir að byrja að prjóna á sama tíma er erfitt að liðsinna öllum í einu. Eftir að skólinn varð mjög vel spjaldtölvuvæddur geta nemendur notað spjaltölvur í nánast öllum tímum.  Ég er búin að vera að prófa mig áfram með að nota myndbönd á youtube um það hvernig á að fitja upp á prjón og síðan prjóna slétt og brugðið.   Þetta hefur gefist nokkuð vel einkum ef nemendur stilla á að sýna myndbandið mjög hægt.  Þau sem eru áhugasömust og hafa mestu einbeitinguna hafa náð að læra að prjóna á þennan hátt en hin þurfa einnig aðstoð og útskýringar kennarans. 
Lesa meira

Utís 2019 - Upping your classroom - Jesse Lubinsky

Mynd
Á vinnustofu no 2 á Utís 2019 fór ég og hlusaði á Jesse Lubinsky fara í gegnum hvernig er hægt að nota ýmiskonar viðbætur við google classrom-ið sem við í Bláskógaskóla erum að innleiða. Hann fór með okkur í gegnum ýmsar viðbætur sem auðvelda vinnuna í skólanum en gefa einnig betri innsýn í vinnu nemenda.   Jesse hefur útbúið heimasíðuna  sína en einnig síðuna  Session Resources  þar sem hann hefur sett inn ógrynni af efni er varaðar verkfæri Google í skólastarfi. Þetta er síða sem maður á örugglega eftir að skoða betur og ég veit að þar er hægt að nýta sér margt í vinnunni hjá manni.  Ég er rétt að byrja að skoða hvað er þarna inni. En Jesse gefur kost á að maður fari í gegnum fyrirlesturinn Upping Your CLassroom Game sem hann flutti á Utís á netinu.  Fyrst ræddi hann um forritið Flipgrid  en það býður upp á alls konar myndbandskynningar og eru það lokuðsvæði sem er unnið á og hægt er að stilla forritið þannig að það virki bara á neti...
Lesa meira