Nýja tæknin eða þannig

Jæja, þá er maður kominn í gírinn aftur að blogga - sem er nú frekar gamaldags í dag - er það ekki!? . Eftir að hafa verið sett til hliðar í skólanum varðandi ust-mál nennti ég ekki að vera ,,all-in" í þessum málum.
En nú eru yfirmenn mínir miklir áhugamenn um að koma tækninni á legg í skólanum og virkja alla til þátttöku. Það var eins og að kveikja á gömlum vírus sem hefur legið í láginni nokkur undanfarin ár. Mér gafst kostur á að fara á Utís 2017 og 2018 sem var mikil innspýting í áhugann. Svo hefur tæknibúnaður skólans verið mikið uppfærður og ég upplifi að við séum á fullri ferð í skólanum inn í nútímann og að verða fremst meðal jafningja. Hér er þó enn ,,akkilesarhæll" í sveitarfélaginu en það er nettengingin, hér er netið oft að frjósa og hnökra svo við bíðum spennt eftir ljósleiðaranum !!! sem er þó amk 2 ár í skv. nýjustu fréttum.

En nú erum við kennararnir að þjálfa okkur í að nota þessa nýju tækni og kenna nemendum á hana en margir þeirra kunna samt mjög mikið og stundum meira en starfsmennirnir - þannig skipast námsfélag þar sem allir eru að læra á tæknina. Þetta er ný nálgun á kennarastarfið, sem er bæði í senn skemmtilegt og spennandi.

Í framhaldinu er ég að hugsa um að skrifa hér á bloggið það sem ég er að prófa mig áfram með.

Undanfarið hef ég líka verið að æfa mig á twitter  undir @aglasnor (https://twitter.com/aglasnor) pósta þar gjarnan þvi sem ég er að prófa með nemendum undir #menntavarp - þetta er mjög skemmtilegur vettvangur kennara og annara áhugamanna um upplýsingatækni og skólastarf almennt. Þarna fær maður hugmyndir og innblástur af því sem er að gerast í skólastarfi.

Það eru bara spennandi tímar framundan í skólastarfi.

Bestu kveðjur,



Ummæli

Ásta Kristjana sagði…
já nú er gaman ��
1:25 e.h.
Skrifa ummæli

Vinsæll póstur

Ferð starfsfólks Bláskógaskóla Reykholti til Ítalíu, 30.04.2019 – 05.05. 2019

Mynd
Ferð starfsfólks  Bláskógaskóla Reykholti til Ítalíu,  30.04.2019 – 05.05. 2019 Starfsfólk Bláskógaskóla Reykholti, ásamt nokrum mökum starfsmanna fór í námsferð til Bolzano á Ítalíu vorið 2019. Eftir nokkurn undirbúning var lagt af stað frá Reykholti 30. apríl til Keflavíkur þar sem var gist á Base hotel. Flug var snemma morguns og tók flugið til Munchen um 4 klst. Þegar þangað kom tók á móti okkur Jóna Fanney   Svavarsdóttir frá Eldhúsferðum . Frá Munchen var keyrt beint til Bolzano í Suður – Týrol (rúmir 4 tímar) og farið á hótel Feicher sem er í miðbæ Bolzano. Afar huggulegt hótel og gott að vera þar. Þá fórum við út að borða á þjóðlegum Suður- Týrólskum stað. Þessi ferðadagur var ansi langur í klukkustundum talið (17 klst) en afar góð stemmning í hópnum. 1.maí - miðvikudagur Þessi dagur var ,,frídagur“, þ.e.a.s – ekki vinnudagur sem slíkur en nánast allir ákváðu að fara í skemmtilega fjallaferð með kláfi frá Bolzano til Sop...
Lesa meira

Prjónakennsla

Mynd
Í handavinnu/textíl er ég að kenna nemendum að prjóna.  Þegar margir nemendur eru í hóp og allir að byrja að prjóna á sama tíma er erfitt að liðsinna öllum í einu. Eftir að skólinn varð mjög vel spjaldtölvuvæddur geta nemendur notað spjaltölvur í nánast öllum tímum.  Ég er búin að vera að prófa mig áfram með að nota myndbönd á youtube um það hvernig á að fitja upp á prjón og síðan prjóna slétt og brugðið.   Þetta hefur gefist nokkuð vel einkum ef nemendur stilla á að sýna myndbandið mjög hægt.  Þau sem eru áhugasömust og hafa mestu einbeitinguna hafa náð að læra að prjóna á þennan hátt en hin þurfa einnig aðstoð og útskýringar kennarans. 
Lesa meira

Utís 2019 - Upping your classroom - Jesse Lubinsky

Mynd
Á vinnustofu no 2 á Utís 2019 fór ég og hlusaði á Jesse Lubinsky fara í gegnum hvernig er hægt að nota ýmiskonar viðbætur við google classrom-ið sem við í Bláskógaskóla erum að innleiða. Hann fór með okkur í gegnum ýmsar viðbætur sem auðvelda vinnuna í skólanum en gefa einnig betri innsýn í vinnu nemenda.   Jesse hefur útbúið heimasíðuna  sína en einnig síðuna  Session Resources  þar sem hann hefur sett inn ógrynni af efni er varaðar verkfæri Google í skólastarfi. Þetta er síða sem maður á örugglega eftir að skoða betur og ég veit að þar er hægt að nýta sér margt í vinnunni hjá manni.  Ég er rétt að byrja að skoða hvað er þarna inni. En Jesse gefur kost á að maður fari í gegnum fyrirlesturinn Upping Your CLassroom Game sem hann flutti á Utís á netinu.  Fyrst ræddi hann um forritið Flipgrid  en það býður upp á alls konar myndbandskynningar og eru það lokuðsvæði sem er unnið á og hægt er að stilla forritið þannig að það virki bara á neti...
Lesa meira