Agla Snorradóttir

Þrátt fyrir að snigillinn fari hægt, kemur þetta nú allt saman. Fundurinn í kvöld á netinu var skemmtilegur. Það er alveg ótrúlegt hvað tæknin flýgur áfram. Eftir fundinn var ég mikið að spá í hvað ég ætti að taka fyrir í glærukennslunni. Þar sem að ég hef ekki neinn aðgang að tölvu í minni stofu hvorki borðtölvu né fartölvu til að vinna með átti ég engar kennsluglærur. Ég nota ALDREI tölvur í kennslu. Þetta er sorglegt, að geta ekki nýtt sér tæknina sem kennari, mér finnst ég frekar lélegur kennari að geta ekki nýtt mér tæknina, aldrei með neitt nýtt og spennandi að sýna nemendum, bara bókin og taflan og búið spil. En eftir kennslu get ég farið á bókasafnið og skráð í Mentor ef vill og unnið þar skrifleg verkefni til að prenta út á svarthvítan leyserprentara. Þannig er nú það í mínum skóla. Annars sátum við Kristín hér heima í kvöld og unnum glærurnar okkar samviskusamlega upp úr kennsluvefnum okkar, gekk bara vel og við frekar ánægðar með okkur. Svo er bara að sjá hvað maður á að ger...

Þá er komið að blogginu, er búin að vera að vinna í námsvefnum mínum. Þetta tekur aldeilis tíma að skrifa textann, finna réttar myndir, setja þetta upp og ég tala nú ekki um að verða svo ánægður með útkomuna. Maður getur endalaust breytt, stækkað, minnkað, fært til og ég veit ekki hvað. Svo líður tíminn svo hratt, margir, margir klukkutímar farnir og jafnvel sjónvarpsdagskráin búin !! þegar maður lítur upp. Ég er líka að verða fær í ýmsum tungumálum og rekja mig áfram með að leita að ákveðnum dýrum fyrst á íslensku, síðan á latínu og þaðan jafnvel á famandi tungumál, verða svo vonsvikin því myndin er ekki föl !!! Byrja upp á nýtt og finna aðra mynd en kannski ekki alveg þessa sem mig vantaði. En þetta er rosalega skemmtilegt. Ég er búin með "heitur karteflurnar" mínar - krossaprófið en kem þeim ekki inn á vefinn. Veit einhver hvar ég finn leiðbeiningar um það, ég finn það hvergi. Getur einhver liðsinnt mér? Nú er ég nánast búin að hugsa hvað ég ætla að gera í vefleiðangrinum...

Jæja, þá var ég að æfa mig að flytja frá tölvunni á flickr, minnka myndina og flytja yfir á bloggið. Nokkuð gott og einfalt. Annars eru þetta stemmnings myndir úr sveitinni, frá því í gær. En ég sat yfir nkn verkefnunum mínum nánast allan daginn. Stóð þó aðeins upp og labbaði út á hlað og tók nokkrar myndir en næst þegar ég leit út þá var sólin að setjast, svo ég fór út í dyr og tók seinni myndina. Fallegt í sveitinni. Annars gekk mér bara vel í gær í vefsíðugerðinni og var afar glöð með mig. Eftir "fundinn" í morgun talaði ég við Salvöru og viti menn ekki var þetta nú allt rétt hjá mér en....................... nú er ég búin að reyna að færa þetta á réttan veg, missti þolinmæðina og datt í hug að vinna í flickr. til að ná mér !!!!! Blogga svo svolítið, það er mér ekki tamt, þannig að það er langur tími milli blogga. Svo er bara að halda áfram, reyna að fá vefinn réttan.

Blessuð öll. Það sem getur hlaðist á eina viku hjá manni er alveg ótrúlegt, ég tali nú ekki um hvað tíminn er fljótur að líða þegar maður hefur svona mikið að gera. Þessi vika er búin að vera ein af þessum vikum þar sem að maður rétt kemur heim, nartar í matinn og hlaupinn út aftur. Allt til að sinna börnunum, fyrst var það nú fimleikafundur v/yngri dóttur minnar, svo var nemendaárshátíð í skólanum okkar og bekkur eldri dóttur minnar kom heim í partý fyrir ball sem byrjaði kl.19.00. Það var svo mikið fjör, byrjaði strax eftir skóla kl.15.oo og dömurnar gátu verið að undirbúa sig til kl.19, snyrta sig, mála sig, mömmur komu til að greiða, ýmist krulla eða slétta eftir því sem við átti. Drengjunum fannst nóg um en á meðan á þessu stóð gátu þeir bæði horft á bíomynd, farið í pottinn, snyrt og klætt sig!!!!! Þetta var afar skemmtilegur dagur. Síðan fór ég, sem kennari, á ballið með þeim en 9. bekkurinn minn sá um ballið, sem heppnaðist frábærlega. Langur dagur það. Nú svo voru það tónlista...

Jæja, það koma glufur í námið hjá manni öðru hvoru. Nú náði ég að hlusta á fyrirlesturinn hennar Salvarar á netinu, tók bara vírusvörnina úr sambandi og þá hlóðst allt inn. - Takk fyrir ábendinguna Sigrún Inga. Það var microsoft, antispyware, beta 1, sem ég slökkti á. Vonandi gengur það líka næst þegar ég ætla að taka þátt. Allt hefst þetta nú með þolinmæðinni. En ég var að leita á netinu að einhverjum ögrandi verkefnum fyrir 6 ára dóttur mína sem er afar áhugasöm um nám. Ég fór inn á Menntagatt.is en þá fann ég svolítið spennandi fyrir mig og datt í hug að deila því með ykkur en það eru til forrit sem að geta breytt vinylplötunum mínum á stafrænt form. Kannski hafið þið áhuga: http://prdownloads.sourceforge.net/audacity/audacity-win-1.2.3.exe?use_mirror=voxel http://audacity.sourceforge.net/ Svo er hægt að kaupa viðbótarpakka, upplýsingar á: http://www.microsoft.com/windows/plus/dme/Music.asp

Tíminn líður hratt. Sá að ég hafði ekki bloggað í nokkra daga, enda er það mér ekki tamt. Er enn í vandræðum með að tengja bloggið þannig að það sjáist, er sennilega komin með skýringuna, prófa það á þriðjudaginn. Er samt búin að finna til útlit í forritinu og búa til síður og reyna að tengja þær saman og slíkt. Er byrjuð á registeri um sjálfa mig, er ekki viss hvað ég ætla að hafa það nákvæmt. Svo er það tæknisagan, skildi það þannig að ég ætti að rifja upp mína eigin tæknisögu, þurfti að hugsa það til baka. Þá er það vefrallýið, er aðeins búin að skoða það. Missti því miður af Salvöru á laugardaginn, kíkti of snemma á póstinn og svo of seint á laugardaginn. En þetta hlýtur að gera sig á endanum.

Nú er ég í vondum málum, tall-a-la-la var sungið einu sinni. Nú er ég búin að skoða hvernig á byrja á heimasíðu, lesa fyrst, hlusta á Salvöru á laugardaginn þar sem að opnðuðst glufur, fara og skoða aðrar heimasíður. Hugsa hvað ég ætla að gera og byrja svo!!!!! Var búin að setja ýmislegt inn og gekk bara vel. Ánægð með mig. Var búin að gera allskonar "fídusa" en þeir komu og fóru og ég skil ekkert í þessu!!! En er viljug að reyna!! En svo þegar ég ætlaði að skoða síðuna, úbs, það kom ekkert á vefinn sjálfan allt "frosið í forritinu" að ég held. Annars veit ég ekkert um þetta, held að það fari næstu klukkustundir í að finna út úr því hvernig þetta kemst til birtingar. Sjálfsagt eitt hak sem manni sést yfir eins og svo oft áður. En sem sagt það er eitt og annað í gangi þó svo að það sé ekki komið á skjáinn.

Jæja, þá er maður búinn að lesa og lesa, skoða, reyna að skilja. Setur allt í delicious til að muna eftir því seinna. Eftir því sem maður lærir meira kemst maður að því hvað maður kann lítið !! Hvernig gengur ykkur í nkn06 að vinna verkefnið, sé að sumir eru byrjaðir og gengur vel. Hlakka til að heyra frá ykkur.

Í þessu tæplega tveggja ára erindi frá Rúv, kom mér mest á óvart að strax þá eru um 10% þjóðarinnar farin að blogga á Folk.is, mest stúlkur á aldrinum 10-20 ára. Á þessum tíma þá eru stofnaðar 100-200 nýja síður á dag en hvað ætli það sé í dag? Ekki var tekið viðtal eða minnst á aðra bloggmöguleika þ.e. önnur svæði. Með því að fylgjast með nemendum mínum í þessari umræðu en þeir eru í 7.-9. bekk, þá eiga margir bloggsíðu en blogga mismikið en nokkrir eru með margar síður í gangi undir mismunandi nöfnum og síðan hefur aukist að þeir sem blogga eru með hópblogg þ.e. nemendur eru saman með síðu og hafa allir vefstjórnaraðgang. Það verður spennandi að fylgjast með þessum aldurshópi, hvernig hann þroskast og breytist með aukinni tækni, er þetta það sem koma skal? Helst áhugi þessara stúlkna áfram og munu þær fylgjast með tækninni? Er þetta leiðin til að ná til stelpnanna í tækninni og í gegnum strákana með leikjum. Hvernig verða þá skólar framtíðarinnar?

Fyrirlesturinn sem ég hlustað og horfði á með Curtis J. Bonk var mjög skemmilega uppsettur, lifandi og vakti áhuga. Þessi þrjú mismunandi þemu sem hann setti upp vöktu upp hugsanir um hvernig maður á að líta á breytta tækni og kennsluhætti. Er lífið leikur og ævintýri eins og fyrilesarinn birtist, Disney-heimur. Eða er maður “frosinn” í einhven tíma og hoppar svo allt í einu í nútímann og veit ekki alveg hvað er um að vera eða bregða sér gervi töframannsins og líta á möguleikana og vinna út frá þeim. Valið á því hvernig umræðan fer fram, fer eftir “gervinu” sem þú ert í, gervinu sem þú velur? Umræðan um peningana vakti upp ýmsar spurningar, hver á að borga hvað? Hann benti á fría þjónustu sem hægt er að nota í skólum og að maður þyrfti að hafa markmið með því sem maður ætlar að gera. En það sem ég hafði ekki hugsað útí, er að það er ekkert “módel” til fyrir því hvernig á að kenna þessa nýju tækni. Samt er hún búin að vera við lýði í um tuttugu ár eða frá 1984 samkvæmt hans upplýsingum....

Change the way you teach! Þetta fannst mér lykilsetningin í allri umræðunni. Ef að kennarar ætla að breyta hjá sér kennslunni og nota netið meira til að koma kennslu/verkefnum og slíku frá sér, þarf að hugsa allt nám upp á nýtt, hver á að taka hvað og hvenær. Bloggsíðurnar sem voru kynntar í lokin er áhugaverður kostur og hvernig þær voru hugsaðar út frá mismunandi þörfum og áherslum. Það að setja upp bloggsíðu um ákv. námsefni gefur mikla möguleika fyrir þá sem að hafa eindreginn áhuga á efninu, því þá er hægt að setja inn hliðarefni/ýtarefni sem auðvelt er að ná í, á skömmum tíma. Þar sé ég að þá er kannski líka loksins hægt að sinna afburðanemendum almennilega en þeir hafa oft orðið útundan í skólakerfinu okkar. Umræðan um það hvar nemendur stunduðu námið fannst mér spennandi og varð hugsað til nemenda minna sem EYÐA miklum tíma í ferðalög á milli staða eins og hér í sveit, þar sem nemendur mínir eru sumir klukkutíma á leiðinni í skólann og klukkutíma til baka, á hverjum degi. Þeir ...

Fann þessa grein sem ég sótti á proquest um blogg, slóðin er: http://proquest.umi.com/pqdweb?index=2&did=805270341&SrchMode=1&sid=9&Fmt=3&VInst=PROD&VType=PQD&RQT=309&VName=PQD&TS=1137712299&clientId=58032

Maður er eins og litlu börnin, að uppgötva nýjan heim. En eins og einn nemandi minn segir stundum, bara snilld!!! Setti inn nokkur bókarmerki og var þá að hugsa til nemenda minna í 9.bekk - sem eru frábærust af öllum - skráði bókamerki um músik og að sjálfsögðu stærðfræði !! Ég er nefnilega með bekkinn minn í hliðarnámi!!!- það flokkast undir almenn fræðsla í tímum- kenni þeim það sem ég er að gera í náminu en ansi skemmtileg setning er til í bekknum mínum " En eins og þið hafið heyrt þá er í ég í Kennó" þá kemur hlátur, fliss og svo kemst ég að!!! T.d. eru nokkrir búnir að prófa ajax-translator, ég fékk svo margar skemmtilegar setningar á ýmsum tungumálum í dag. Þau höfðu sum farið heim og prófað. Hlakka til að vita hvað kemur út úr wikipedia.org en lagði það upp í dag. Hvað er nú skemmtilegast af þessu sem ég hef sagt ykkur frá krakkar?

Þetta lag fann ég, fór alveg eftir fyrirmælum. Góðar leiðbeiningar frá kennaranum. Mér finnst þetta samt frekar slitrótt þegar ég reyni að hlusta á þetta í tölvunni. Er þetta svona hjá ykkur hinum í hópnum líka?

Svona var umhorfs út á vegi hjá mér í gær. Sannkallaður jólasnjór á trjánum og margir að flytja hestana sína, taka þá á hús.

Nú er fyrsti pósturinn kominn frá kennaranum. Þá er að byrja að fylgja leiðbeiningunum. Er að setja mig í startholurnar. Þurfti fyrst að laga aðeins síðuna þar sem ég týndist í staðbundulotunni en náði að krafla mig út úr því heima. Þá er það vandamálið. Ég var að breyta hjá mér yfirheitum á forsíðunni úr links í tenglar og svo framvegis en tókst ekki að breyta yfir á íslensku about me, er það á sama stað og hitt. Sást mér yfir það? Getur einhver liðsinnt mér?

Mynd 2 af tölvunni , en hún er tekin í Þakgili, sumarið 2004.

Nú er að prufa það sem ekki var hægt í staðbundulotunni, setja inn mynd úr tölvunni. Hér eru barnakórarnir, Barna- og kammerkór Biskupstungna, Barnakór Flúðaskóla og Barnakór Selfoss að syngja með Sinfóníuhljómsveitinni á Flúðum í fyrra (2005)

Jæja, eftir nokkrar hremmingar í staðbundu lotunni, fann ég út þegar ég kom heim hvaðég hafði gert vitlaust svo að nú á þetta blogg að virka, fór bara í help og leitaði mig áfram eftir vandamálinu. Nú fer eitthvað að gerast, prófa sig áfram. Hlakka til að heyra hvernig ykkur gengur. Agla

Jæja þá er komið að því að byrja að blogga. Sit hérna í Kennó og er eitt spurningamerki, reyni að ná öllu sem kennarinn segir. Er búin að læra aðeins um vefrallý í morgun á eftir að prófa það betur. Nú er að reyna að ná öllu um bloggið. Setja inn slóðir og myndir. Þetta vat t.d. frétt í mogganum áðan. Siglt á rúmi.