Agla Snorradóttir

Bókadómur og umfjöllun um bókina: Skólastarf og gæðastjórnun Eftir Börk Hansen og Smára S. Sigurðsson Úgt. Rannsóknarstofnun Kennaraháskóla Íslands 1998 (flokkuð 371.2) Inngangur: Umsögn um bókina Skólastarf og gæðastjórnun. Hún var lesin með þeim gleraugum að námskeið sem hannað er fyrir grunnskólakennara standist þær gæðakröfur sem gert er til skólastarfs í dag. Höfundarnir: Friðgeir Börkur Hansen er prófessor við Kennaraháskóla Íslands. Hann er Ph.D. í stjórnsýslufræði menntamála frá háskólanum í Alberta, Edmonton. Sjá: http://skolastjornun.khi.is/borkur/ Smári S. Sigurðsson er gæðastjóri við Iðntæknistofnun og stundakennari við Háskólann á Akureyri. (1998) Um bókina: Bókinni er 192 blaðsíður og skipt niður í 7 kafla þar sem hver og einn fjallar um ákveðna þætti: Skólaþróun, Hvað er gæðastjórnun?, Að veita forystu, Vinnubrögð, Þættir í innra starfi skóla, Uppbygging gæðakerfis fyrir skóla og Gildi gæðastjórnunar fyrir skólastarf. Í upphafi hver kafla er stuttur inngagnur og síðan m...

Ég er ein af þeim sem geri ekki alltaf eins og kennarinn/mentorinn vill og í staðinn fyrir að lesa eitthvað nýtt og gagnlegt fann ég upp í bókahillu hjá mér bók sem heitir Kennslufræði eftir Jon Naeslund og mér sýnist vera sænskur, bókin var fyrst gefin út í Svíþjóð 1963. Þar er margt forvitnilegt og skemmtilegt að lesa, ýmsar sögur um það hvað er gott og hvað er vont í kennslu. Einnig ,,föðurlegar” ábendingar til verðandi kennara hvernig þeir skulu haga sér. Um undirbúning kennslustundar segir (bls.97-99): ,,Undirbúningurinn á að hefjast í kennslubókinni. Meginástæða þess er sú, að nemendur geta fundið glöggt samhengi milli kennslunnar og lexíulestursins. Skiptir þar ekki máli hvernig kennslustundin er annars skipulögð. ... Þegar að kennarinn er að vinna að undirbúningi sínum, verður hann oft að hverfa frá kennslubókinni til umfangs meira lesefnis – fræðibóka. Ekki er líklegt að hann finni meira sem hann hefur not fyrir, en honum ber að þekkja þetta efni til þess að hafa öruggari sýn...

Hópferð starfsfólks Grunnskóla Bláskógabyggðar á The education show í Birmingham 2008. Það er nótt, kalt, dimmt en spenningur í loftinu. Það er miðvikudagurinn 27.febrúar 2008. Vinnudagurinn hófst upp úr klukkan fimm þennan morguninn. 13 kennarar mættir í skólann, sumir útsofnir og aðrir ekki náð að sofna, ýmist af spenningi, tilhlökkun eða treystu ekki á að vakna nógu snemma. Tilhlökkunin var augljós, námsferð til Birmingham á The education show , árlega sýningu og fyrirlestra um allt sem lýtur að kennslu. Allt frá leiktækjum á skólalóð, skólahúsgögnum, kennslugögnum af öllum toga, bókum og blýöntum. Þessi dagur fer í að ferðast, komast til Keflavíkur í snjófjúki og hálku. Fljúga til London, komin þangað um hádegi, beint út í rútu og keyrt til Birmingham. Allt í einu komin í vorið, grasið farið að grænka og trén að bruma. Þegar við keyrðum í gegnum sveitirnar voru dýrin á beit úti, kindur, hestar og kýr. Sólin lét sjá sig í gegnum skýin. Vorið var komið í hjartað. Til Birmingham kom...

Sæl öll. Nú er ég á námskeiðinu Skipulaging og framkvæmd fræðslu með fullorðnum hjá Hróbjarti Árnasyni lektor við KHÍ. Þetta er afar fróðlegt námskeið og lesefnið hristir vel upp í gömlum kennara, eins og mér, sem var orðinn fastur í viðjum vanans. Á myndinni er ég að kynna sjálfa mig og fyrir hvað ég stend í upphafi annar en myndin er tekin í staðlotu í Kennó og af námskeiðsvefnum þar sem við leitum margra upplýsinga og setjum inn efni og slíkt. Það fer mikil vinna í lestur en síðan eigum við að hanna sjálf námskeið fyrir fullorðna. Ég er að móta það sem ég ætla að gera en það verður sennilega einhverskonar fræðsla í upplýsingatækni fyrir starfandi grunnskólakennara. Dagurinn í dag fór t.d. að lesa um gildi markmiða á námskeiðum, hljómar kannski ekki spennandi en viti menn þetta er bara heilmikið til að hugsa um. Ekki meira að sinni. Góðar stundir.

Jæja, sæl öll Hér sjáið þið einn af snjótittlingunum sem hafa verið á fóðrum hjá okkur undanfarið. Þessi mynd er tekin út um skrifstofugluggann minn, árla morguns. Var annars að koma úr frábæru boði hjá samstarfskonu í skólanum í Reykholti . Hún bauð heim í súpu og brauð, ásamt ýmsum góðum kræsingum. Tilefnið var að hluti kennarahópsins í Reykholti er að fara til Birmingham á sýninguna The education show nú í lok mánaðarins. Við vorum að skrafa um það hvernig við ættum að hafa hlutina og slíkt. Svo var nú ýmislegt annað spjallað líka. Ekki skemmir það fyrir ferðinni út að kennarar úr mínum gamla skóla, Snælandsskóla , fara líka, síðan er ég búin að frétta af nokkrum einstaklingum úr kennslunni sem ég þekki sem fara líka. Þetta verður alger veisla. Ferðaskrifstofan Úrval-Útsýn skipuleggur ferðina. Ég hlakka bara til......................

Talaði við vinkonu mína í símann áðan, hún kvartaði undan því að ekkert hafi heyrst í mér á þessari síðu síðan fyrir áramót. En nú skal bætt úr því. En ég er sem sagt enn að, nokkuð búið að vera umleikis hjá mér síðan í nóvember. Ég kláraði 2 áfanga fyrir áramót í skólanum er þessa dagana að ljúka við þann þriðja. Nú eftir áramót er ég í einum kúrs og lokaverkefni í Kennó. Er komin af stað með það. Hér heima er nóg að gera, verið að byggja fjós en snjór og ótíð hefur tafið okkur aðeins. Kíkið á flikr myndir hér til hliðar. Veðrið er búið að vera risjótt og grunnskólinn hefur þurft að fella niður kennslu vegna óverðurs og ófærðar auk þess sem að kennslu hefur verið haldið uppi en ekki allir skólabílar komist með börnin í skólann. Skaflanir eru mikir á hlaðinu, sést ekki í gróðurhúsið. Rólur og griðing á kafi í snjó.

Jæja, lítið sett á bloggið undafarið. Það er nú samt margt búið að gerast. Í náminu sit ég og les og les og reyni að skilja. Er svo farin að skipuleggja lokaverkefnið mitt til meistaranáms og fá það samþykkt hjá viðkomandi kennurum í Kennaraháskólanum . Þetta er allt í vinnslu og ekki tímabært að opinbera það á bloggsíðu. Er búin að fá leiðsögukennara en það er Torfi Hjartarson lektor við skólann. Á heimavístöðvunum er það að frétta að búið er að járnabinda plötuna og nú höfum við beðið eftir að veðrið verði hagstætt til að steypaplötuna. Það tekst vonandi á morgunn, föstudag. En þegar að sökklarnir voru steyptir 18.okt. sl. kom þetta upp í huga Sigurjóns tengdaföður míns: Svínvetingar steyptu í dag Sökkla að nýju fjósi. Það mun auka ykkar hag Allvel, það ég kjósi Síðan þurfti að keyra nokkur hlöss af möl í grunninn. Þá var gólfplatan járnabundin.

Fullorðnir námsmenn og aðstæður þeirra 61.00.53–H07 Kennaraháskóli Íslands Viðtalsverkefni - skýrsla Lærdómur er fjársjóður sem fylgir eiganda sínum hvert sem hann fer. Inngangur. Í þessari samantekt verður fjallað um fullorðinsfræðslu en hún á við alla fræðslu sem fullorðnir fá, hvort sem hún er innan hins formlega skólakerfis eða utan. (Jón Torfi Jónasson og Jóhanna Rósa Arnardóttir 2001:6) en einnig er til önnur skilgreining þar sem fullorðinsfræðsla er skilgreind sem námskeið (course) eða fræðslustarfsemi í hlutastarfi og skilgreint sem fullorðinsfræðsla með þátttakendum eldri en sautján ára. (Merriam og fl. 2007:56) Í ljósi þess að heimurinn tekur sífelldum breytingum og námsframboð fyrir fullorðna er að aukast, er nauðsynlegt að skoða hvað er í gangi, og reyna að fá einhverja mynd af því sem er að gerast. Á námskeiðinu Fullorðnir námsmenn og aðstæður þeirra þarf að taka nokkur viðtöl við fullorðna námsmenn. Allir í nemendahópnum, tóku slík viðtöl, afraksturinn eru 26 viðtöl tekin...

Verkefni númer þrjú í kúrsinum Kenningar í félagsfræði og heimspeki menntunar 61.00.02-H07 var út frá hugmyndum Rawls: “Grundvallarhugmugmyndin í þessari nálgun við réttlæti er hugmyndin um þjóðfélag sem sanngjarnt kerfi félagslegrar samvinnu frá einni kynslóð til annarrar. (kenning um réttlæti, 1.4.). Þessi hugmynd er miðlæg tilraun okkar til að þróa hugmynd um póltískt réttlæti fyrir lýðræðisríki.” Í greininni Grundvallarhugmyndir (Fundamental ideas) ræðir Rawls um fimm grundvallarhugmyndir (bls. 24) sem eru nátengdar, þar sem hann á við er að: 1) þjóðfélagið sem sanngjarnt kerfi af samvinnu 2) hugmyndin um vel skipulagt þjóðfélag 3) hugmyndin um undirstöðu (bacic) formgerð (structure) slíks þjóðfélags, 4) hugmyndin um frumstöðu (orginal position) 5) hugmyndin um borgarana, þessa sem er upptekinn (engaged) í samvinnunni sem frjáls og jafn þegn. En Rawls talar einnig um að það þurfi að skilgreina þessi hugtök eins og vel skipulagt samfélag, undirstöðuformgerð o.s.frv. Til þess að alli...

Þetta er verkefni númer tvö í kúrsinum Kenningar í félagsfræði og heimspeki menntunar 61.00.02-H07 Þar valdi ég að skrifa út frá Bruner: ,,Grundvallar forsenda menningarhyggjunnar er að menntun sé ekki eyland heldur hluti af meginlandi menningarinnar.” (Bruner, Culture, Mind, and Education, bls.11) Í greininni Menning,hugur og menntun fer Bruner víða. Hann reynir að ýta áfram anda sjónarhóls menningarsálfræðinnar (cultural-psychological) út frá sjónarhóli menntunnar. Hann leggur áherslu á kraft vitundarinnar, speglunina (reflection), breidd orðræðunnar (dialogue) og samningagerð (negotiation).(bls.42) Hann ræðir grundvallabreytingarnar sem hafa komið í kjölfar vistmuna byltingarinnar (cognitive revolution) (1) á síðustu áratugum síðustu aldar. Hann segir að öll kerfi ráðist af einhverskonar valdi. Allir þættir sem tekið er á, valda áhættu með því að opna umræðu um núverandi stofnannavald. (42) En með því getur hann dýpkað skilning okkar á samfélagsfyrirbrigðunum. Það þarf að skoða alla...

Hér kemur verkefni mitt í kúrsinum Kenningar í félagsfræði og heimspeki menntunar 61.00.02-H07. Það mátti velja úr nokkrum textabrotum og ég valdi: ,,Smekkurinn flokkar, ekki síst þann sem flokkar. Félagsverur greina sjálfa sig frá öðrum með þeim greinamun sem þær gera á fögru og ljótu, fáguðu og alþýðlegu, og láta þar með í ljós stöðu sína í hinni hlutlægu skipan.” (Almennigsálitð er ekki til,bls.41.) Að uppgötva eitthvað sem maður hefur smekk fyrir jafngildir því að uppgötva sjálfan sig.(bls.47) Hugtakið smekkur flokkar því einstaklinga niður eftir því hvers konar menningarauð og habitus þeir hafa og frá hvað vettvangi þeir koma. Þá þarf að leiða í ljós við hvaða skilyrði neytendur menningargæða og smekkur þeirra eru framleiddir. (33) Áhrif félagslegs uppruna eru sterkust í þeirri menningu sem menn tileinka sér utan skólakerfisins í og framúrstefnumenningu.(34) Menningarauðurinn sem lýtur að listum gefur listaverki merkingu og gildi fyrir þann sem býr yfir lyklinum sem það er lyklað ...

Í kúrsinum Fullorðnir námsmenn og aðstæður þeirra er bókin Learning in Adulthood skyldulesning. Á þeim vettvangi er bókaklúbbur þar sem nemendur skipta á milli sín efni til að rýna afar vel í um það bil einn kafla. Ég valdi mér 3ja kafla sem heitir : Adult Learnes: Who participates and why eða Fullorðnir námsmenn: Hverjir taka þátt og hvers vegna. Í kaflanum er rætt og vitnað í margar einkum Bandarískar rannsóknir með einkar áhugaverðum niðurstöðum. Ég valdi að gera útdrátt með áherslu á hvað mér sjálfri fannst markverðast. Einnig fann ég ýmsar áhugaverðar síður á Netinu tengt þessu efni sem fylgja hér með en þær eru kannski ekki akkurat um efni sem þær eru linkaðar við. Meira svona til gamans. Í lokin varpa ég fram ýmsum spurningum til umhugsunar og umræðu í hópnum. Gaman væri ef önnur sjónarhorn væru rædd en þau sem ég vinn útfrá. En vindum okkur í útdráttinn, úrvinnsluna: Fullorðinsfræðsla er stór og formlaus vettvangur af iðju, þar sem engin þörf er á mörkum eins og aldri eins og ...

Fyrsta skriflega verkefnið mitt í vetur var að skrifa um trúverðugleika í eiginlegum rannsóknum í kúrsinum, Aðferðafærði og menntarannsóknir 61.00.01-H07 . Þetta verkefni var unnið undlir leiðsögn Guðrúnar Kristinsdóttur prófersors í KHÍ . Trúverðugleiki í eigindlegum rannsóknum. Trúverðugleiki (e.trustworthiness) er eitt einkenni eigindlegra rannsókna. Hugtakið er afar mikilvægt vegna þess að þeir sem vilja nýta rannsóknina þurfa að vera vissir um að hún hafi verið gerð skv. almennum siðareglum í vísindastarfi. ,,Þeir þurfa að geta metið trúverðugleika og notagildi niðurstaðanna. Því er trúverðugleiki er almennt staðfestur (sannaður) með því að nota ýmiss gagnasöfn og/eða aðferð við úrvinnslu gagna”. (Leydens og fl., 2004) en kröfurnar verða líka að vera fyrir hendi, því að hugtakið trúverðugleiki í eigindlegum rannsóknum má skilgreina sem þær kröfur sem gerðar eru til rannsakenda við vinnu þeirra, þannig að mark verði takandi á niðurstöðunum. Þessar kröfur þurfa að auðvelda utanaðk...

Í dag er hátíðisdagur hér í Tungunum, fé í réttum eftir fjárlausar réttir í tvö ár. Margir fara ríðandi í réttirnar og kjötsúpa á hverjum bæ í sveitinni. Ball um kvöldið og fjör fram á nótt. Veðrið misjafnt, stundum gott og stundum vont og allt þar á milli. En í dag er það með versta móti a.m.k s.l. ár, fyrst rigning, svo slydda og þá snjókoma. Þessu fylgdi mikið rok. Réttirnar sjálfar tóku fljótt af, um 600 fullorðið, byrjað snemma kl. 9.00, þannig að það var búið að draga í dilkana tæplega tíu, þegar að fólkið kom á staðinn. Fólk stoppaði stutt við, heyrði marga vera svekkta yfir því að allt væri búið og fór, ekkert um að vera. Allt búið. Líklega gleðjast þeir sveitungar mínir sem vilja enga í réttirnar nema þá sem eiga fé og þurfa að sinna því. Aðrir eru bara til trafala. En sem betur fer hlusta fáir á svona raddir og geðvonska þeirra og pirringur segir meira um þetta fólk en hina sem segja og vita að maður er manns gaman og njóta þess að vera saman og hafa gaman hvernig sem vindar ...

Jæja, þá er ég búin að skila af mér tveimur verkefnum í aðferaðrfæðinni og er nú að glíma við lestur á félagsfræðikenningum, allt lesefni á ensku og ég sit og glósa og glósa, hugurinn reikar hvað eftir annað í aðrar áttir, erfitt að halda einbeitingu þegar manni finnst maður ekki skilja neitt í þessu en eftir 3ja tíma glósun á fimm blaðsíðum af 51, er aðeins að byrja að rofa til. Sé fram á að vera alla daga og öll kvöld í náminu ef svo heldur fram sem horfir. Eitt skiptið þegar ég datt út hugsaði ég til nemenda minna sem horfðu bara út um gluggann, höfðu engan áhuga á efninu og vildu vera að gera eitthvað annað, eitthvað sem þeir skildu. Í ljósi þessa held ég að kennara hafi gott af því að fara í spor nemenda sinna og upplifa þessa tilfinningu, skilja þá betur nemendurna og reka þá ekki til að einbeita sér að efninu í staðinn fyrir að horfa út um gluggann !!! en það hef ég staðið mig að í morgunn, því hér er líka verið að vinna utandyra, verið að rippa klöpp, keyra skít á vörubílum. Ég...

Hér er allt á fullu í framkvæmdum, setti inn á http://www.flickr.com/ nokkrar myndir sem hægt er að kíkja á .

Jæja, þá er haustið víst að koma. Maður er sestur niður til að læra, situr við tölvuna allan daginn og reynir að innbyrgða allt um megindlegar og eigindlegar rannsóknir. Það er svo mikið af nýyrðum að læra og skilja svo hvað þau þýða, en svo er það verkefni vetrarins að vita hvernig þetta virkar allt samn. En þetta er svolítið skemmtilegt. Það er svolítið skrítið að vera ekki í kennslugírnum en það er ekkert sem ég sakna ennþá, kannski er það vegna þess að bekkurinn minn kláraði í vor og er nú að fara á nýjar og spennandi slóðir. Ég hlakka til að heyra frá þeim á næstu vikum, hvernig þeim gengur og hvað er í gangi. Læt þetta duga að sinni, Góðar stundir....

Eftir að hafa farið venjubundinn "hring" í tölvunni og kíkja á Mbl.is kíki ég alltaf til gamans á stjörnuspána. Stjörnuspá dagsins í dag er skemmtileg og tilefni bloggsins: "Vatnsberi: Þar sem þú ert að taka skjótum framförum skaltu skrá það einhvers staðar. Bloggaðu um það eða montaðu þig. Láttu fólk vita að þú sért á leiðinni." En í hverju ég er að taka framförum er ég ekki alveg viss en gott að maður er í framför en ekki á niðurleið !!! Svo montið getur varla fylgt framförinni !!! Og eina leiðin sem ég er á er að halda áfram náminu mínu í Kennó, það er mjög skemmtilegt. Annars er allt gott að frétta úr sveitinni, veðurleysa í dag, logn, skýjað og 19 stiga hiti. Svo mörg voru þau orð að sinni. Góðar stundir

Í náminu mínu í hitteðfyrra lærði ég að nota flickr myndasvæðið. En það er hugbúnaður úti á Netinu þar sem hægt er að geyma myndirnar sína ókeypis og leyfa öðrum að njóta ef maður vill. Ég notaði þetta aðeins þá en hef ekki verið dugleg að setja inn myndir og slíkt síðan. En nú fékk ég áskorun frá einni af frænkum mannsins um að vera duglegri að setja inn myndir. Svo nú hef ég bætt inn nokkrum völdum myndum frá sumrinu svo kíkið endilega á þær. Vonandi hafið gaman af. Myndina hér til hliðar tók Freydís Halla af hrossunum okkar út í haga um daginn.

Hér í Bláskógabyggð hefur verið einmunatíð, kringum 20 stiga hiti sl. vikur og allt upp í 25 gráður. Ég hef ekki haldist inni þessa daga, var búin að einsetja mér að lesa svolítið í náminu mínu í sumar á rigningardögum en hef bara ekki getað sest niður og rýnt í skræðurnar. Hef bara verið úti að taka til og snurfusa (eins og amma sagði alltaf) en hér var safnað járnarusli í einn gám um daginn. Einkennilegt hvað það hleðst upp hjá manni draslið þó svo maður reyni að vera vakandi og henda jafnóðum. En núna var stór tiltekt gamlar vélar og varahlutir sem hafa nýst hingað til voru settar á haugana en mest sá ég nú eftir Lödunni sem hún Rúna gaf okkur og við notuðum heilmikið, nokkuð heilleg, pínulítið biluð. Ég reyndi mikið að koma henni út en hún var víst ekki í tísku !!! Nýttist vel sem skutlbíll hér á milli staða og í vinnuna og slíkt en kannski ekki skemmtilegur fjölskyldubíll. Nú svo er ég búin að gróðusetja dálítið af trjám þátt fyrir þurrka, reynt að vökva þar sem þar hefur verið hæ...